અખિલ સુતરીઆ

Read Full Post »

Read Full Post »

દોસ્તો,

તમને મારા તરફથી રોજ સવારે ખાસ તમારે માટે મહત્વની અને અગત્યની માહિતી સાથેની મેઇલ મળશે. જેનું નામ રાખ્યું છે – સવારના શબ્દો.

આમ તો તમને મારા તરફથી અને અખિલ ટીવીના ઇમુખપત્ર સ્વરૂપે દિવસ દરમ્યાન મેઇલ મળ્યા કરતી હોય છે.

કદાચ તમે વાંચતા હો અથવા તમને સમય ન પણ મળતો હોય.

મારી દ્રષ્ટીએ જે તમારે જાણવું જ જોઇએ તેવી મુદ્દાસર જાણકારીનો જ આ મેઇલમાં ઉલ્લેખ હશે.

મારો ભારપૂર્વકનો તમને … એટલો તો આગ્રહ ખરો જ કે, હવે શરૂ થતા આ ‘સવારના શબ્દો’ જરૂર વાંચવાની ટેવ પાડી લેજો.

જેથી તમે જીવનમાં મેળવવા લાયક માહિતી બ્લોગ પર વાંચવા, રેડિયો અખિલ પર સાંભળવા તેમજ અખિલ ટીવી પર જોવામાં મોડા ન પડો.

Dear Friends,

Now onwards I will be sending you an exclusive personalised mail with very important information with title ” Morning Mail” in subject line.

You being a subscriber to recieve AKHIL TV eNEWS letter, must be getting few mails delivered to your mail box.

I hope you would be reading them all or might not be getting time to go through sometimes.

I would strongly suggest you to make it a habbit to read “Morning Mail” as it will include ONLY important announcements in context with what is being showcased on my blog, Radio AKHIL and Akhil TV.

——————- ઉદાહરણ —————————

Date : 11.04.2009

Blog :

• અક્ષર અને અવાજ એક સાથે.
• દિમાગની વાત દિલથી.

Radio AKHIL :

• Phone IN : તમારા શહેરની નવાજૂની. ( નવસારી, ભરૂચ, નેત્રંગ, ગોધરા, લીમખેડા )
• Interview : અડવાણીને જીતાડવામાં નરેન્દ્રભાઇને કેટલા અવરોધ આવશે ?
• ઉપરાંત ભક્તિ સંગીત, વાદ્ય સંગીત, નવા અને જૂના ફિલ્મી ગીતો.

Akhil TV : ( Live webcast )

• અડવાણીને જીતાડવામાં નરેન્દ્રભાઇને કેટલા અવરોધ આવશે ?
• अडवाणीको जीतानेमें नरेन्द्रभाइ कितने अवरोधका सामना करेंगे ?
• Challenges for Narendrtabhai in getting Advani win.

————————————————

your suggestions will help us improve.

તમારા બે શબ્દો શિખામણના અમને સેવાઓ સુધારવામાં મદદ કરશે.

Read Full Post »

Read Full Post »

Listen Now:

 Standard Podcasts: Play Now | Play in Popup | Download | Embeddable Player | Hits (21)

Read Full Post »

૨૬.૦૨.૨૦૦૯ / ૪૪૭૪

પ્રાથમિક અને માધ્યમિક શાળાના બાળકો સમજી શકે તેવી ભાષામાં જવાબ લખવા વિનંતી.

સ.૧ જીવન વિમો એટલે શું ?

સ.૨ જીવન વિમો શા માટે લેવો જોઇએ ?

સ.૩ જીવન વિમો ક્યારે (કઇ ઉંમરે) લેવો જોઇએ ?

સ.૪ જીવન વિમાના લાભ અને ગેરલાભ જણાવો.

સ.૫ જીવન વિમાની તમે જાણતા હો તેવી અન્ય બચત યોજના કે પધ્ધતિ સાથે સરખામણી કરો.

Read Full Post »

પ્રેરણાદાયી વિડીયો ફિલ્મો દ્વારા સ્થાનિક બાળકો અને યુવાનોને વૈશ્વિક નાગરિક બનાવવાના અભિયાન માર્ગદર્શનને ધીમો પણ એકધારો પ્રતિસાદ મળી રહ્યો છે.

વ્યાવસાયિક જીવન દરમ્યાન કરેલી આવકનો દસમો ભાગ બચાવતા રહ્યા હતા તે લઇને નજીકમાં આવેલી શાળા અને કોલેજોના વિદ્યાર્થીઓને પ્રેરણાદાયી વિડીયો ફિલ્મો બતાવવાનું કામ કરીએ છીએ.

કરેલી બચતમાંથી સૌને માટે ફિલ્મ શોનું આયોજન કરવાની ઇચ્છા હોવા છતાં વધતી જતી માંગને કારણે હવે સંભવ નથી.

છતાં વિદ્યાર્થીઓ માટે તેમના માનસિક, બૌદ્ધીક અને નૈતિક વિકાસલક્ષી આ કાર્યક્રમ નિઃશુલ્ક ધોરણે જ કરવાનો સંકલ્પ કર્યો છે.

ફિલ્મ નિર્માણના સાધનો વસાવી શક્યા છીએ. આ ફિલ્મો જીવનની વાસ્તવિક પરિસ્થિતિને કેન્દ્રમાં રાખીને અમે બનાવતા હોઇએ છીએ.

માર્ગદર્શન એ અંદાજે બે કલાકનો કાર્યક્રમ છે જેમાં ૪ થી ૫ પ્રેરણાદાયી વિડીયો ફિલ્મ બતાવવામાં આવે અને પછી તે વિષય પર પ્રશ્નોત્તરી અને ચર્ચા ગુજરાતી, હિન્દી અને અંગ્રેજી ભાષામાં કરવામાં આવે છે.

ભેટ, મેમેન્ટો કે પુષ્પગુચ્છ સ્વીકારવાથી દૂર રહેવું ..

વલસાડથી રેલ કે બસ માર્ગે આવવા–જવાનો ખર્ચ, યજમાન સાથે રહેવું–જમવું અને મહેમાનગતિ માણવી એ જ અમારું મહેનતાણું. ..

ન નફો અને ન ખોટ ને ધોરણે સમગ્ર ગુજરાત રાજયમાં સંચાલન કરવા ઇરાદો છે.

અને એટલે જ અમે એક તમને અને અમને એમ બન્નેને અનુકુળ એવો રસ્તો શોધી કાઢયો છે.

મેં લાઇફ ઇનસ્યુરન્સ કોર્પોરેશન ઓફ ઇન્ડીયાની વિમા એજન્સી લેવાનું વિચાર્યું છે. 

મારા બાવનમા જન્મદિવસે ( ૧૭મી ફેબ્રુઆરી, ૨૦૦૯ ) જ એજન્સી મેળવવાની અંદાજે ત્રણ સપ્તાહની વિધી આરંભાઇ જશે.

તમારા દ્વારા અમારી પાસેથી ખરીદાયેલા તમારી જરૂરીયાત અને પસંદગીના વિમા પર એલ.આઇ.સી પાસેથી અમને મળવા પાત્ર થતા કમીશનનો ઉપયોગ માર્ગદર્શનના સંચાલન ખર્ચને પહોંચી વળવા કરવો એમ નક્કી કર્યું છે.

પહેલા, બીજા અને ત્રીજા વર્ષે પોલીસીઓના ભરવામાં આવતા પ્રિમિઅમની રકમ પર અનુક્રમે અંદાજે ૨૦, ૭.૫ અને ૫ પ્રતિશત કમીશન મળતું હોય છે. ત્યાર બાદ પાકતી મુદત સુધી રીન્યુઅલ કમીશનનો દર ૫ પ્રતિશત હોય છે.

અમે આશા રાખીએ છીએ કે, તમે તમારા પોતાને માટે, પરિવારના સભ્યો માટે, નિકટના સ્વજનો માટે જયારે પણ જીવન વિમો ખરીદવાનો વિચાર કરો ત્યારે એકાદ પોલિસી અમારી મારફત ખરીદો.

ગુજરાત કે સમસ્ત ભારતના કોઇ પણ સ્થળેથી તમે અમારી પાસેથી તમારી જરૂરીયાત અને પસંદગીના વિમા ખરીદી શકશો.

જેના પ્રિમિઅમ તમે તમારા શહેરમાં ભરી શકશો.

તમારી પોલિસી તમારા શહેરની શાખામાં ટ્રાન્સફર પણ કરાવી શકાશે.

તમે જેમની પણ પાસેથી તમારી જરૂરીયાત મુજબની પોલિસી ખરીદશો ત્યારે એજન્સીધારકને ઉપર જણાવ્યા મુજબનું કમીશન એલ.આઇ.સી તો ચુકવશે જ.

પરંતુ અમને મળનાર આ કમીશનનો ઉપયોગ અમે પ્રેરણાદાયી વિડીયો ફિલ્મો દ્વારા સ્થાનિક બાળકો અને યુવાનોને વૈશ્વિક નાગરિક બનાવવાના અભિયાન માર્ગદર્શનને વેગીલું બનાવવા જ કરવાનો નિર્ણય કર્યો છે.

આ ઉપરાંત તમે કે તમારી સંસ્થા આ કાર્યમાં સહભાગી થવા સ્વૈચ્છીક આર્થિક અનુદાન આપશો તો તેનો ઉપયોગ આ અભિયાનને આગળ ધપાવવા માટે જ કરીશું. સલાહ, સુચન કે સંપર્ક માટે ડાયલ કરો – ૯૪૨૭૨૨૨૭૭૭. | [4285]

Read Full Post »

Read Full Post »

Read Full Post »

Dear Friend,

Thank you for being with me through out the year 2008.

I hope you have been enjoying communication from this group.

My wife Trupti and I have been investing our time and energy …. to create a community of learning, living, leading and loving people …. by “Transforming local children and youth into global citizens”.

We organise SHORT FILM SHOWs since 2006 in schools & colleges of villages near Valsad, Gujarat, India. (Valsad is our hometown.)

Broad objective of each Film Show is to :

- develop awareness,

- provide in-formal education,

- share information,

- inspire viewers to interact.

- get involved into the process of Transformation of the Nation.

We are an independent couple with vision, mission, patience and passion for this project “Margdarshan”.

We have limited source of income which limits us from expanding and spreading the area of coverage.

However, we very strongly believe, …. if at all something has to be DONE by somebody, why not us ?

Let us get more and more people .. Invited .. Informed .. Inspired .. and .. Involved.

For the year 2009, our focus will be to take the Project Margdarshan to as many schools and colleges as possible within Gujarat State.

I hope you will surely wish us to visit few schools / colleges known to you in your area and assist us to organise absolutely FREE OF COST FILM SHOWs as mentioned above.

I would like you to give me information in following format. :

1. Your Name.

2. Your Email ID

3. Your Phone Number with STD code.

4. Your Cellphone.

5. Name of the Educational Institution.

6. Complete Address of the Educational Institution.

7. Name of the Head / Incharge / Principal.

8. Telephone / Cellphone Number.

Details of the administration of Film Show can be requested.

We welcome corporate sectors to propel this movement of creating a community of learning, living, leading and loving people.

AKHIL SUTARIA

http://www.margdarshan.webs.com

Read Full Post »

મિત્રો,

૨૬મી નવેમ્બર, ૨૦૦૮ રાત્રે ૯.૪૫ કલાકે મુંબઇમાં હોટલ તાજ, હોટલ ઓબેરોય, નરીમાન હાઉસ, વીટી સ્ટેશન સહિતકુલ ૧૧ જુદા જુદા સ્થળોએ દેશમાં અત્યાર સુધીમાં થયેલા આતંકવાદી હુમલાઓ પૈકીના સૌથી મોટા અને વધુ પીડાકારક ઘટનામાં ૧૪ પોલિસકર્મી સહિત ૧૦૧ નાગરિકોએ જાન ગુમાવ્યા.

At 9.45 pm on 26th November, 2008 Terrorist attacked 11 locations of the City of Mumbai including the Hotel Taj, Hotel Oberoi Trident, Nariman House and Chatrapati Shivaji Terminus. The biggest ever in the history of the city and the Nation.

આઇપીએસ કક્ષાના ત્રણ ઉચ્ચ અધિકારીઓ શહિદ થયા.

101 people have lost their lives which include 3 IPS officers and 14 constables from Mumbai Police.

ફક્ત ૨૦–૨૫ આતંકવાદીઓ ૧૨૫ કરોડની વસતી ધરાવતા દેશને બાનમાં લે ત્યારે …

Just 20-25 of them took the whole Nation in Ban.

મારા / તમારા જેવા કોમન મેને શું કરવું જોઇએ ?

What are we - the Common Man like you and me; suppose to be DOing ?

મેં ૪૫૦ એમએલ રક્તદાન કર્યું.

I had donated 450 mls of blood in a local blood bank.

અને સંકલ્પ કરૂ છું કે ….. મારા વિસ્તારમાં રહેતા હોય તેવા, દેશને માટે શહાદત વહોરનાર જાંબાઝ જવાનો કે સિપાહીના પરિવારનું માન–સન્માન અને જીવન જરૂરીયાતો જળવાય તેનું અગ્રીમતા સાથે ધ્યાન રાખીશ.

On this occassion :

Let Us STOP talking & discussing, Please Begin to ACT about what you FEEL and THINK in a capacity that you can afford.

I will take care of the families of our brave soulders who have sacrificed their lives for the Nation while on Duty especially who live in the area where I live.

Now it’s my turn.

I won’t ask ….. when is yours ?

Akhil Sutaria

Read Full Post »

હિંદુ સંસ્કૃતિમાં લગ્નમાં લગ્ન કરતી વખતે વર-વધૂ અગ્નિને સાક્ષી માનીને પતિ-પત્નિના રૂપમાં એકસાથે સુખથી દામ્પત્યજીવન વીતાવવાની પ્રતિજ્ઞા લે છે અને આને જ અંતર્ગત જ સાત ફેરા ફરે છે. જેને સપ્તપદી કહેવામાં આવે છે. સાત ફેરા ફરવાની સાથે સાત વચન પણ લેવામાં આવે છે.

(1)સૌ પ્રથમ વચન હોય છે કે પતિ-પત્નિને આજીવન પર્યાપ્ત અને સન્માનનીય રીતે ભોજન મળતું રહે.

(2) બીજું દંપતીનું જીવન શાંતિ અને સુખેથી વીતે.

(3) ત્રીજું બન્ને જીવનમાં આધ્યાત્મિક તથા ધર્મિક કર્તવ્યનું પાલન કરે.

(4) ચોથા ફેરામાં બન્ને સૌહાર્દ્રપૂર્ણ તથા પરસ્પર પ્રેમ સાથે જીવન વિતાવે,

(5) પાંચમા ફેરાનું વચન હોય છે વિશ્વનું કલ્યાણ થાય અને સંતાનપ્રાપ્તિ થાય.

(6 છઠ્ઠા વચનમાં પ્રાર્થના કરવામાં આવે છે કે તમામ ઋતુઓ યોગ્ય રીતે ધનધાન્ય ઉત્પન્ન કરીને સમગ્ર વિશ્વને સુખી કરે, કારણ કે તમામના સુખમાં દંપતીનું પણ ભલું થાય છે અને

(7) સાતમા ફેરામાં પતિ-પત્નિ પરસ્પર વિશ્વાસ, એકતા, મનમેળ અને શાંતિ સાથે જીવન વ્યતીત કરે. આ સાત ફેરા સાથે લેવામાં આવતા વચનમાં વિશ્વની શાંતિ અને સુખની પ્રાર્થના કરવામાં આવે છે.

ઇમેઇલ દ્વારા ફોરવર્ડ થઇને આવેલી જાણકારી.

Read Full Post »

હજુ તાજો તાજો જ ગુજરાતી લીપીમાં અહીં લખતો થયો છું …

જોડણીની ભૂલો‘ય કરતો હોઇશ ..

વ્યાકરણ, વાકયો અને સાહિત્યના પ્રકાર અંગે કદાચ સમજ નહીવત્ છે.

પણ ..

જેવું વિચારું છું તેવું જ લખી નાખું છુ.

મને લાગે છે કે,

www.akhiltv.com પર

દર શનિવારે

ભારતિય સમયાનુસાર રાત્રે ૮ થી ૯ દરમ્યાન

સાહિત્યસભાનું જીવંત પ્રસારણ સ્વરૂપે આયોજન / સંચાલન કરી શકાય;

કે જે દ્વારા મારા જેવા સાહિત્ય અંગેની ઓછી કે અધકચરી સમજવાળા દર્શકોને પણ લાભ પહોંચાડી શકાય.

જો તમને લાગતું હોય કે,

તમે ૧૦, ૨૦ કે ૩૦ મીનીટ ની સમય અવધી દરમ્યાન તમારી રચનાની પ્રસ્તુતિ કરી શકો એમ છો

અને

બાકીની અનુક્રમે ૫૦, ૪૦ કે ૩૦ મીનીટ દરમ્યાન દર્શકો સાથે સંવાદ કે સવાલજવાબ કરી શકો એમ છો

તો … ૫૦ ટકા કામ પાર પડી ગયું જ જાણજો.

હવે આ માટે તમારી પાસે માઇક અને વેબકેમની વ્યવસ્થા હોવી જોઇએ. એટલે બીજા ૨૫ ટકા કામ થઇ ગયું.

અને છેલ્લા ૨૫ ટકા – તમે આ પ્લેટફોર્મ કેવી રીતે વાપરવુંની તાલીમ મારી પાસેથી લઇ લેશો એટલે પાર પડી જશે.

રસ પડે એવી વાત છે ?

તો,

તમારુ નામ

શહેરનું નામ,

રાજય,

રાષ્ટ્ર,

ઇમેઇલ આઇડી,

સેલ નંબર

અને

તમે નીચે જણાવેલ કેટલી મીનીટના ફોર્મેટમાં રજૂઆત કરવાનુ પસંદ કરશો તે જણાવશો. a.(10+50 mins), b.(20+40 mins), c.(30+30 mins), d.(40+20 mins), e.(50+10 mins)

મને વળતી ટપાલે … વહેલામાં વહેલી તકે જવાબ આપશો તો ગમશે.

તા.કઃ જેમનો લાભ જનતાને મળવો જોઇએ તેવા સૌને આ મેઇલ ફોરવર્ડ કરી … તેમની વિગતો મને મેળવી આપવા મહે … નત કરજો. – મહેરબાની તો ઇશ્વર કરે.

ઉદાહરણ તરીકે મારી વિગતો આપુ છું.

“Akhil Sutaria” - Valsad, - Gujarat, - India, - akhilsutaria@yahoo.com, +91 9427222777, - b.(20+40 mins)

ધન્યવાદ.

Read Full Post »

એક પ્રવાસની શરૂઆત આવતી કાલે થશે.

તા. ૧૦મી થી ૧૪મી ઓક્ટોબર દરમ્યાન રાજકોટના વિદ્યાર્થીઓ અને યુવાનો માટે માર્ગદર્શન ફિલ્મ શોનુ આયોજન થયું છે.

ઇન્ટરનેટ પર જેમને ઓળખતો થયો છું તેમને પ્રત્યક્ષ મળવાનો અવસર. જીજ્ઞેશ કાલાવડીયા, સંગીતા કામાણી, હિતેશ જોષી, અમિત રામોલિયા, હર્ષદ પંડિત, મારી કોલેજ – એ.વી. પારેખ ટેક. ઇનસ્ટીટયુટ, ટાગોર હોસ્ટેલ, રેસકોર્સ પર પટેલનો આઇસક્રિમ, ગેલેક્ષી પર પોણી ચા, રામકૃષ્ણ મીશન …. મારુ લીસ્ટ !!!

તા. ૧૫મી થી ૨૦મી દરમ્યાન નવી દિલ્હી ખાતે .. Digital Empowerment Foundation દ્વારા અપાનાર મંથન એવોર્ડ ૨૦૦૮માં અખિલટીવી ડોટ કોમ ૨૬૪ જેટલી ૧૩ વિવિધ કેટેગરીઝ માટે શોર્ટલીસ્ટ થયેલી વેબસાઇટસમાંથી ઇ–એજયુકેશન અને ઇ–લોકલાઇઝેશનની કેટેગરીમાં ફાઇનલીસ્ટ તરીકે નોમીનેશન પામી છે. આથી તૃપ્તિ અને ઉદય સાથે ગુજરાત અને ગુજરાતીઓનુ ગૌરવ વધારવા ICT Mela Connecting Masses માં અમે સક્રિય રીતે ભાગ લઇશુ.

આટલા દિવસો દરમ્યાન કદાચ તમારી સાથે અહીં સંપર્ક રહેવુ મુશ્કેલ રહેશે.

પ્રવાસેથી પાછા આવીને … મારો અનુભવ અહી લખીશ .. કે .. બોલીશ.

તમારી શુભેચ્છાઓ અને આશિર્વાદ સમાન પોઝીટીવ વાઇબ્રેશન્સની અમારા આ અભિયાનને અને અમને ખૂબ જ જરૂર છે.

તૃપ્તિ અને અખિલ.

Read Full Post »

મિત્રો,

પ્રેરણાદાયી ટૂકી વિડીયો ફિલ્મ્સ દ્વારા પ્રાથમિક અને માધ્યમિક શાળા તેમજ કોલેજમાં ભણતા સ્થાનિક વિદ્યાર્થીઓને વૈશ્વિક નાગરિક બનાવવાના અભિયાનનો મજબૂત પાયો નંખાઇ ગયો છે.

તા.૦૧.૧૦.૨૦૦૮

ને રમજાન ઇદની રજા જાહેર થવાથી ગુજરાતના સુરત શહેરની જીવનભારતી સ્કૂલના બાળકો માટે યોજેલ ફિલ્મ શો એક દિવસ વહેલો એટલેકે, તા. ૩૦.૦૯.૨૦૦૮ના રોજ ગોઠવી દીધો.

માધ્યમિક વિભાગના ૫૫૦ વિદ્યાર્થીઓને સવારે ૧૦.૩૦ થી બપોરે ૧.૦૦ દરમ્યાન ૬ ફિલ્મો બતાવી. સવાલ–જવાબ, પ્રશ્નોત્તરી અને ચર્ચા કર્યા.

ફિલ્મોના ટાઇટલ્સઃ ફયુચર ઓફ ઇન્ડીયા, બાળપણ, મુંબઇની માયા, ગોદાવરીને કિનારે, કાવેરીને કિનારે, જીવનયાત્રા.

પ્રત્યેક ફિલ્મને અંતે એક સવાલ તો પૂછયો જ કે, “તમને આ ફિલ્મમાંથી શું જાણવા અને શિખવા જેવું લાગ્યું?”

મળેલા જવાબો સાંભળીને …. વિશ્વાસ મજબૂત થયો કે, ભારતનુ ભવિષ્ય જેમના હાથમાં છે તેમની વિચારવાની ક્ષમતા સાહસયુક્ત છે. એટલેકે .. કરેલા વિચારને અમલમાં મૂકીને પરિણામ મેળવવાનુ સાહસ કરી શકે તેમ છે. શરૂઆતમાં થોડા શરમાળ .. પણ પછી .. અત્યંત વાચાળ જણાયા. મર્યાદામાં રહીને જટીલ વિષયને લગતા સવાલ પૂછી શકયા .. તેમણે એવું પણ ટાંકયુ કે, ” સર, આવા સવાલ પપ્પા કે મમ્મીને કદાચ ના પૂછી શકીએ .. બીક લાગે.”

ગુજરાતી માધ્યમમાં ભણતા આ બાળકો સાથેના સંવાદમાં એવું લાગ્યું કે, અંગ્રેજી માધ્યમના ભણતરને બદલે અંગ્રેજી ભાષાના જ્ઞાનને વધારે મહત્વ આપીને શિક્ષણ લેનારા બાળકોની  વિચારવાની રીત વધારે મૌલિક હોય છે.

મને અંગત રીતે એવું લાગ્યું કે, આ વિદ્યાર્થીઓનો શારિરિક વિકાસ નબળો કહેવાય. મનના વિકાસની સરખામણીએ તનની તંદુરસ્તી પાછળ રહી ગઇ હોય એમ જોયું. તન અને મનની વૃધ્ધી વત્તા વિકાસ, ઉંમર સાથે, સરખા પ્રમાણમાં થાય તે ઇચ્છનિય છે.

ત્યાર બાદ,

પ્રાથમિક વિભાગના ૬૫૦ વિદ્યાર્થીઓને બપોરે ૧.૩૦ થી ૩.૦૦ દરમ્યાન એ જ ૬ ફિલ્મો બતાવી. સવાલ–જવાબ, પ્રશ્નોત્તરી અને ચર્ચા કર્યા.

પ્રત્યેક ફિલ્મને અંતે સવાલ પણ એજ પૂછયો જ કે, “તમને આ ફિલ્મમાંથી શું જાણવા અને શિખવા જેવું લાગ્યું?”

અને એક વધારાનો સવાલ પણ પૂછયોકે …. ” ફિલ્મમાં જે પરિસ્થિતિ જોઇ તેમાં સુધારો કરવા શું કરવું જોઇએ? ”

જે જવાબો મળ્યા તેનાથી આ બાળકો દેશ માટે, પોતાના શહેરની વ્યવસ્થા અંગે શુ વિચારે છે અને શુ વિચારી શકે છે તેનો પ્રત્યક્ષ અનુભવ થયો.

નાજુક બાંધાના બાળકો આગળ બેસવા મળે તે માટે એક જ ખુરશીમાં બબ્બે જણ પણ બેસી ગયા હતા ..અત્યંત ચંચળ અને ચબરાક બાળકોએ મને એટલા સવાલો પૂછયા કે જવાબ આપતા થકવી માર્યો. …. અન્યોના બાળકો મને આટલી જ વારમાં અપનાવીને આત્મિય કરી લે એ પણ એક અદભૂત અનુભવ થયો.

અખિલટીવીની વેબસાઇટ પર આવીને મને ફોન કરનારા બાળકોની સંખ્યા વધવા માંડી છે.

તા. ૦૨.૧૦.૨૦૦૮

ગાંધીજયંતિ નિમિત્તે જાહેર રજાના દિવસે સવારે ૧૦.૦૦ થી બપોરે ૧.૦૦ દરમ્યાન યોજેલ કાર્યક્રમનુ જાહેર આમંત્રણ ઇમેઇલ દ્વારા ૩૦૦૦૦ જેટલા વિશ્વભરમાં ફેલાયેલા અને ઇન્ટરનેટ વાપરનારા ગુજરાતીઓને મોકલાયુ, ત્રણ રીમાઇન્ડર અપાયા, સુરતની બહાર વસતા મિત્રોને વિનંતિ કરાઇ કે તમારા સુરત ખાતે રહેતા સબંધીઓને જાણ કરજો ..સુરતના ત્રણ સ્થાનિક અખબારોએ પ્રેસનોટ પ્રકાશિત કરી. લોકલ કેબલ ચેનલના સમાચારમાં આ કાર્યક્રમના ઉદેશ્ય અને આયોજનની સંક્ષિપ્ત જાણકારી અપાઇ હતી …. આ સૌને પરિણામે ..

સુરત શહેરના ૪૨, વલસાડથી ૧૨, વડોદરાથી ૨ અને ચીખલીથી ૧ એમ કુલ ૫૭ વ્યક્તિઓ સભાગૃહમાં હતા !! મારા પરિવાર, સબંધીઓ અને સહાયમાં રહેલા મિત્રોની સખ્યાનો આમાં સમાવેશ નથી કર્યો. ( જો તમે કહી શકો કે, આ સંખ્યા મોટી કરવામાં કયાં –શું ચૂકી ગયો.. તો મને હવે આગળના આયોજનમાં કામ લાગશે. )

શાળાના પ્રબંધન દ્વારા સાધનોની ઉપલબ્ધી થવામાં થયેલા વિલંબને કારણે કાર્યક્રમ ૧૫ મીનીટ મોડો શરૂ થયો.  

– સ્વાગત, – ગાંધીવંદના, – પ્રેરણામૂર્તિઓ, – આ પ્રોજેક્ટમાં અખિલટીવીની ભૂમિકા, – ભારતનુ ભવિષ્ય, – મુંબઇ તારી માયા, – ગોદાવરીને કિનારે, – માર્ગદર્શનનો પરિચય 

જેવી વિડીયો ફિલ્મ્સ પ્રદર્શિત કરી.

સવાલ જવાબ થયા.

અમારી અપેક્ષા તો એટલી જ કે, તમારે તો ફક્ત અમને એક શાળા સાથે જોડવાનું જ કામ કરવાનું છે. 

કોણે અને અન્યોએ શુ કરવુ જોઇએ એ વધારે કેન્દ્રમાં રહ્યુ ..

( મારા મનમાં સવાલ છે કે, કેમ આપણે નિષ્ક્રીય થવા માંડયા છીએ ? )

ચિલ્ડ્રન ફિલ્મ સોસાયટી દ્વારા નિર્મિત ‘બાપુને કહા થા‘ પ્રદર્શિત કરી.

બપોરે ૧.૨૦ કલાકે રાષ્ટ્રગાન સાથે કાર્યક્રમ પૂરો થયો.

છેલ્લે …… 

જે કરવા નક્કી કર્યું છે તે તો અમે કરવાના જ.

કારણકે … મનોબળ વધુ મજબૂત થયું છે.

Read Full Post »

સ્નેહી,

તમને નથી લાગતું કે, કોઇ પણ ભાષાનું ભૂતકાળમાં સર્જન પામેલુ સાહિત્ય જે તે સમયે અને આજે પણ અતિશય શક્તિશાળી હોવા છતાં … આજની પ્રજામાં જોશ, ઉત્સાહ અને ઉમંગ લાવી શકતા નથી.

આનો અર્થ મારી દ્રષ્ટિએ એમ કરુ છુ કે, તે સમયના લોકોની પ્રાથમિકતા અને જરૂરીયાત સાત્વિક હતા અને આજે ભૌતિક છે. કદાચ ત્યારે દંભ કે આડંબર આજે દેખાય છે તેની સરખામણીએ નહીવત હતો. આજે લોકોની જીવનના મૂલ્યોની ‘કહેવાની‘ અને ‘જીવવાની‘ વ્યાખ્યા બદલાયેલી જણાય છે.

૧૯૫૮થી ૧૯૬૮ દરમ્યાન હું ના સમજ બાળક હતો. તે પહેલાની વાતો દાદાજી પાસેથી સાંભળતો. ૧૯૬૯થી ……. આજ સુધીની પરિસ્થિતિનો બદલાવ મે જોયો, અનુભવ્યો … અને ક્યાંક એમ લાગે છે કે,

૧૨૫ કરોડની જનતાએ પોતાનુ નેતૃત્વ કરીને પ્રગતિની દિશામા લઇ જઇ શકે તેવા ‘માણસ‘ને શોધવામાં કયારેય ગંભિરતા બતાવી નથી.

રાષ્ટ્રીય સમૃદ્ધીને બદલે અંગત સમૃદ્ધી પામવાની ઘેલછાએ વ્યક્તિને ‘માણસ‘માંથી  ‘મશીન‘ બનાવી દીધો. હવે મશીનને કયાંથી હોય વેદના કે સંવેદના ?? અને જયાં એક જમાનામાં લાગણીઓની નદી વહેતી ત્યાં હવે નાનકડા ઝરણા પણ જોવા મળે છે ??

આપણને એમ કહેતા કોઇ રોકતું નથી કે, આ બધુ વડીલો સાચવી ન શકયા એટલે બગડયું છે અને આજની નવી પેઢી વધુ બગાડી રહી છે. તો …. આપણી કોઇ ભૂમિકા જ નથી ? જે થયું કે થાય છે તે તો આપણી સાક્ષીએ જ થાય છે ને ?

એક બાળકની વાત યાદ આવે છે …. દરિયા ભરતી પછી આવેલી ઓટમાં કિનારે ફસડાઇ પડેલી તરફડતી માછલીઓને પોતાના નાનકડા હાથમાં લઇ .. પોતાની તમામ શક્તિને કામે લગાડી … ફરી પાછી દરિયાના પાણીમાં ફેકતો હતો. … એક વિદ્વાન તેને જોઇ રહ્યા હતા. …. કુતુહલ સાથે તેમણે ખીસામાં હાથ રાખી બાળકને કહ્યું કે, તું આ બધી માછલીઓને નહી બચાવી શકે. રહેવા દે, તારી શક્તિ વેડફવાની કોઇ જરૂર નથી. ….. બાળકે પોતાનુ કામ ચાલુ રાખીને કહ્યુ … કેટલી બચશે તે વિચારવામાં કે ગણવા કરતાં તો બચાવવામાં જ મને વધારે આનંદ આવે છે.

ચાલો, મારા વહાલા ભારતવાસીઓ, ગુજરાતવાસીઓ … ચર્ચા–વિમર્શ કરવાને બદલે આપણે થયેલી ભૂલને સુધારવાનો આરંભ કરીએ. જો બગડવામાં ૬૧ વરસ થયા છે તો સુધારવામાં પણ ૬૧ તો થશે જ !!

આ વિશ્વ પાસેથી શીખેલુ .. બાળકો અને યુવાનોને શામેલ કરીને … આપણી તદ્દન આસપાસની દુનિયામાં શુ, કેમ, કેવીરીતે થઇ શકે …ના વિચાર રોપીને … કર્મશિલ બનીએ.

જાહેર આમંત્રણ.

ક્યારે – ગુરૂવાર, તા. ૨જી ઓક્ટોબર, ૨૦૦૮.

સમય – સવારે ૧૦.૦૦ થી બપોરે ૧.૦૦ (સમયસર)

સ્થળ – રંગભવન, જીવનભારતી સ્કૂલ, ટીમલિયાવાડ, નાનપુરા, સુરત.

કેવીરીતે પહોંચશો –

રેલ્વે/બસ સ્ટેશનથી ..

….. સ્પેશિયલ રીક્ષામાં રૂ. ૨૫/– ( ત્રણ સવારીના) જીવનભારતી સ્કૂલના મુખ્ય દ્વાર સુધી.

…… શટલ રીક્ષામાં વ્યક્તિ દીઠ રૂ. ૭/– ટીમલિયાવાડ સુધી અને ટીમલિયાવાડથી જીવનભારતી સ્કૂલ પગપાળા પાંચ મીનીટનો રસ્તો.

Read Full Post »

પ્રેરણાદાયી વિડિયો ફિલ્મ્સ દ્વારા

સ્થાનિક વિધ્યાર્થીઓ અને યુવાનોને

વૈશ્વિક નાગરિક બનાવવાના અભિયાન 

માર્ગદર્શન

ના શુભારંભ પ્રસંગે ઉપસ્થિત રહેવા આપને અમારુ હાર્દિક આમંત્રણ છે.

તારીખ – ગુરુવાર,  ૨ જી ઓક્ટોબર, ૨૦૦૮ ( જાહેર રજા – ગાંધીજયંતી )

સમય – સવારે ૧૦.૦૦ થી બપોરે ૧.૦૦ ( સમયસર શરૂઆત અને સમયસર સમાપન )

સ્થળ – રંગભવન, જીવનભારતી, ટીમલીયાવાડ, નાનપુરા, સુરત. ( બેઠક વ્યવસ્થા ૫૫૦ વ્યક્તિઓની છે.)

– કાર્યક્રમ –

તમારા મોબાઇલ ફોન્સ કાર્યક્રમમાં અધવચ્ચે રણકી ન ઉઠે તે માટે સાઇલેન્ટ/વાઇબ્રેટ મોડમાં કરીને જ સભાગૃહમાં પ્રવેશ કરવા વિનંતી.

૦૯.૪૫ – ૦૯.૫૮- સભાગૃહમાં બેઠક લઇ લેવી.

૧૦.૦૦ – ૧૦.૧૦ - ગાંધીજીને વંદન, વૈશ્નવજન તો …  ફિલ્મ. (આ દરમ્યાન મોડા પડનાર મહેમાન સભાગૃહની બહાર પ્રતિક્ષા કરશે)

૧૦.૧૦ – ૧૦.૩૦ -દિમાગની વાત, દિલથી – અખિલ સુતરીઆ ( નથી કોઇ અતિથીવિશેષ, નથી કોઇ મુખ્ય મહેમાન કારણકે ….  અને આજે, અત્યારે, અહીં …. આયોજક, સંચાલક અને પ્રાયોજક …) (આ દરમ્યાન મોડા પડનાર મહેમાન અન્યોને ખલેલ ન પડે તેવી રીતે બેઠક લઇ લેશે)

૧૦.૩૦ – ૧૦.૪૦ - ત્રણ ફિલ્મોનુ સ્ક્રીનીંગ (આ દરમ્યાન મોડા પડનાર મહેમાન સભાગૃહની બહાર પ્રતિક્ષા કરશે)

૧૦.૪૦ – ૧૧.૧૦ - પ્રોજેક્ટ માર્ગદર્શનની સંપૂર્ણ માહિતી અને જાણકારી .. મલ્ટીમીડીઆ પ્રેઝેન્ટેશન (આ દરમ્યાન મોડા પડનાર મહેમાન અન્યોને ખલેલ ન પડે તેવી રીતે બેઠક લઇ લેશે)

૧૧.૧૦ – ૧૧.૫૫ - સૌને સ્પર્શતા તમારા સવાલના જવાબ અને સંવાદ (આ દરમ્યાન મોડા પડનાર મહેમાન અન્યોને ખલેલ ન પડે તેવી રીતે બેઠક લઇ લેશે)

૧૧.૫૫ – ૧૨.૫૨ - ચિલ્ડ્રન ફિલ્મ સોસાયટી દ્વારા નિર્મિત હિન્દી ફિલ્મ ” બાપૂને કહા થા” (આ દરમ્યાન મોડા પડનાર મહેમાન સભાગૃહની બહાર પ્રતિક્ષા કરશે)

૧૨.૫૨ – ૧૨.૫૭ - અને છેલ્લે બે શબ્દો.

૧૨.૫૭ – ૦૧.૦૦ - રાષ્ટ્રગીત. – કાર્યક્રમની સમાપ્તિ.

૦૧.૦૦ – ૦૧.૩૦ - માર્ગદર્શનની ટીમમાં જોડાવા ઇચ્છુકોનુ રજીસ્ટ્રેશન અને વ્યક્તિગત સવાલોના વ્યક્તિગત જવાબ.

ભારતનુ ભવિષ્ય જેમના હાથમાં છે તેવા બાળકો અને યુવાનોમાં સંસ્કાર સિંચનનો નવો ચીલો ચાતરતો આ કાર્યક્રમ રસ ધરાવનાર શૈક્ષણિક અને સામાજિક સંસ્થાઓના ઉપક્રમે તદ્દન નિઃશુલ્ક યોજી શકાશે.

તૃપ્તિ અને અખિલ સુતરીઆ.

મોબાઇલ – ૯૪૨૭ ૨૨૨ ૭૭૭. |  ફોન – ૦૨૬૩૨ ૨૪૩૪૭૪. |   વેબ – www.akhiltv.com

Read Full Post »

Read Full Post »

માર્ગદર્શન – ફયુચર ઓફ ઇન્ડિયા –

પ્રેરણાદાયી વિડિયો ફિલ્મો વડે વિધ્યાર્થીઓના વ્યક્તિત્વ ઘડતર દ્વારા રાષ્ટ્રનુ નવનિર્માણ

આચાર્યશ્રી,

અમે અખિલ ટીવી દ્વારા નિર્મિત વિડીયો ફિલ્મ શો નુ આયોજન અને સંચાલન કરીએ છીએ. અમે માધ્યમિક અને ઉચ્ચતર માધ્યમિક શાળાના તેમજ કોલેજમાં ભણતા સ્થાનિક વિધ્યાર્થીઓને વૈશ્વિક નાગરિક બનાવવા વિવિધ વિષયો પર વિડિયો ફિલ્મ મારફત આવશ્યક માર્ગદર્શન આપવાનુ કામ કરીએ છીએ.

આ ફિલ્મો દ્વારા જીવનના મૂલ્યોની સાચી સમજ તથા જીવનના લક્ષ્ય નક્કી કરીને પ્રગતિશીલ જીવન જીવવાની પ્રેરણા વિધ્યાર્થીઓ લેતા જણાયા છે.

અમે ઇચ્છીએ છીએ કે, તમારી શૈક્ષણિક સંસ્થામાં ભણતા વિધ્યાર્થીઓ, શિક્ષકગણ અને વાલીઓને અમારા આ નિઃશુલ્ક કાર્યક્રમનો લાભ મળે.

અમને વિશ્વાસ છે કે તમે પણ સંમત થશો જ કે,

• ભારતનુ ભવિષ્ય જેમના હાથમાં છે તેવા આ વિધ્યાર્થીઓ ઉત્સાહ અને ઉમંગથી જીવન જીવવા તત્પર છે.

• વિષમ અને અતિશય સ્પર્ધાત્મક એવી વર્તમાન પરિસ્થિતિમાં આ વિધ્યાર્થીઓને શૈક્ષણિક અભ્યાસક્રમની સાથે સાથે વાસ્તવિકતા તથા વર્તમાન વ્યવસ્થા અને વ્યાવસાયિક વ્યવહાર અંગેની સમજ આપવી જરૂરી છે.

• પશ્ચિમની કઢંગી અસરથી તેમને સુરક્ષિત રાખવા જરૂરી છે.

• ભૌતિક સમૃધ્ધિને બદલે પ્રગતિશીલ જીવનનુ મહત્વ સમજીને જીવનનુ ધ્યેય હાંસલ કરવા પ્રવૃત્ત કરવા જોઇએ.

તમને નથી લાગતું કે આ આપણી સંયુક્ત જવાબદારી અને ફરજ છે ? 

આ કાર્યક્રમમાં સમાવવામાં આવેલી ફિલ્મો અંગેની સંપૂર્ણ માહિતી અને જાણકારી અમારી વેબસાઇટ ( www.akhiltv.com ) પર જોવા મળશે.

ફક્ત બે થી ત્રણ કલાકની અવધિમાં અમારા ડેટા પ્રોજેક્ટરની મદદથી તમારા મોટા પડદા પર અથવા સફેદ ભીંત પર સભાખંડમાં એક સાથે ૩૦૦ સુધી વિધ્યાર્થીઓ, તેમના વાલીઓ, શિક્ષકગણ, ટ્રસ્ટીગણ માટે આ કાર્યક્રમ તદ્દન નિઃશુલ્ક છે.

મોમેન્ટો કે પુષ્પગુચ્છ સ્વિકારવાની પ્રથાથી અમે દૂર રહીએ છીએ.

તેમ છતાં આ અભિયાનમાં તમારી સંસ્થા આગ્રહપૂર્વક સ્વૈચ્છિક આર્થિક અનુદાન આપશે તો તેનો આદરપૂર્વક સ્વીકાર કરશું.

આપના પ્રત્યુત્તરની રાહ જોઇ રહ્યા છીએ.

તૃપ્તિ અને અખિલ સુતરીઆ

૨૦૨, પૂજા, સ્વર્ગાશ્રમ લેન, તિથલ રોડ, વલસાડ – ૩૦૬૦૦૧, ગુજરાત. 

મો. ૯૪૨૭ ૨૨૨ ૭૭૭  ફોન – ૦૨૬૩૨ ૨૪૩૪૭૪

ઇ મેઇલ –  akhilsutaria@gmail.com

Read Full Post »